Stadiumi Olimpik ‘Adem Jashari’ është gati për miqësoren Kosovë – Haiti. Krerët e Republikës së Kosovës kanë përuruar sot renovimet në këtë stadium.Kryeministri i Republikës së Kosovës, Hashim Thaçi, i shoqëruar nga Ministri i Kulturës, Rinisë dhe Sportit, Memli Krasniqi dhe Kryetari i Federatës së Futbollit të Kosovës, Fadil Vokrri kanë përuruar renovimet në Stadiumin Olimpik “Adem Jashari”.
Në këtë stadium të mërkurën do të zhvillohet ndeshje e parë historike – miqësore ndërmjetë Kosovës dhe Haitit.
“Sot përuruam renovimet në Stadiumin Olimpik ‘Adem Jashari’ në Mitrovicë, ku edhe do të zhvillohet ndeshja e parë miqësore zyrtare e Përfaqësueses së Kosovës. U ndava i impresionuar me ndryshimet e bëra në këtë stadium, nga një investim prej rreth 740 mijë euro nga Qeveria e Republikës së Kosovës”, ka shkruar Thaçi në Facebook.
Është edhe një pamje tjetër, e re, evropiane, që dëshmon për ndryshimet e mëdha që janë bërë dhe po bëhen në shtetin tonë. Pasnesër do të jetë ndeshja kundër Haitit dhe pres që të jetë një festë e vërtetë. Ju ftoj të gjithëve që tashmë keni blerë biletat që të festojmë në mënyrë sa më dinjitoze, për të treguar vlerat më të larta sportive.”, tha ndër të tjera Kryeministri i Kosovës
“ Dua të përgëzoj të gjithë ata që kanë punuar deri të kjo ditë.Qeveria e Republikës së Kosovës ka investuar miliona euro në infrastrukturën sportive, me theks në stadiume. Investimet do të vazhdojnë në të ardhmen”, përfundoi Thaçi. /Express
